Idara ya Usafi na Mazingira

MAJUKUMU YA SEKTA YA USAFI NA MAZINGIRA:

Kuboresha hali ya usafi wa mazingira ya jiji la Tanga kwa kufanya yafuatayo:

Kimarisha huduma za udhibiti wa taka ngumu, usafi wa barabara, maeneo na mifereji ya maji ya mvua.
Kuratibu utoaji huduma za maji taka na kuimarisha usafi wa mazingira.
Kusimamia huduma ya udhibiti wa hifadhi na usalama wa mazingira.
Kuimarisha programu ya elimu jamii kuhusu usafi wa mazingira, uchangiaji ada za udhibiti taka na uzingatiaji wa sheria.
Kuimarisha ukaguzi, usimamizi na ufuatiliaji wa usafi wa majengo na siha ya mazingira na afya ya jamii
Kuimarisha ufuatiliaji na udhibiti wa magonjwa ya milipuko
Kuimarisha huduma za udhibiti wa usalama na ubora wa chakula na vipodozi
Kuimarisha huduma za udhibiti ubora na usalama wa maji na usafi wa mtu binafsi (Hygiene)

MFUMO WA UDHIBITI WA UCHAFUZI WA MAZINGIRA.

Wahusika katika utekelezaji wa sheria ngazi ya Kata/Mtaa	Majukumu katika utekelezaji wa sheria za usafi
Vikundi vya ulinzi shirikishi wa mazingira	Vikundi hivi vitakuwa na jukumu la kuhakikisha kila siku maeneo yote yanapata huduma ya uzoaji taka kwa mujibu wa ratiba. Vitafuatilia na kuwachukulia hatua wale wote watakaobainika kutupa taka ovyo.
Auxilliary Police na Askari mgambo	Watakuwa muda wote (masaa ya kazi) katika vituo vyao vya kazi na watahakikisha watu hawatupi taka ovyo. Watawakamata watu watakaobainika kutupa taka ovyo na kuwafikisha kwa Afisa afya wa Kata / Afisa Mtendaji wa Kata /Afisa Mtendaji wa Mtaa.
Maafisa Watendaji wa Kata na Mitaa	Wataongoza zoezi la udhibiti wa wachafuzi wa mazingira na kuratibu zoezi la utoaji adhabu na kusimamia utekelezaji wake.
Maafisa Afya wa Kata	Atakuwa msimamizi mkuu wa huduma za usafi wa mazingira katika Kata Atasimamia utekelezaji wa matakwa ya sheria ikiwa ni pamoja na kuongoza taratibu za ukamataji wa wachafuzi wa mazingira na utekelezaji wa adhabu.
Mabaraza ya usuluhishi ya Kata	Watasuluhisha mashauri yanayohusiana na uchafuzi wa mazingira ikiwa ni pamoja na kutoa adhabu kwa wote wanaokaidi kufuata taratibu na sheria za usafi wa mazingira.

TARATIBU ZA UTOAJI ADHABU KWA WACHAFUZI WA MAZINGIRA

Baada ya kukamatwa kwa wale wanaokaidi sheria na taratibu za usafi, watatozwa faini ya papo kwa hapo kwa makosa yanayostahili. Faini hiyo itatozwa na Afisa Mtendaji wa Kata na ama Afisa mwingine yeyote aliye chini yake na ambaye amemwidhinisha kwa barua kufanya kazi hiyo.Kwa makosa yasiyostahili faini ya papo kwa hapo, watuhumiwa watafikishwa katika mabaraza ya usuruhishi ya kata ama mahakamani.

VIWANGO VYA ADHABU (FAINI)

i). Adhabu ya papo kwa hapo:-