Halmashauri imejizatiti vyema katika suala la usafi ikiwa ni pamoja na utoaji wa huduma za taka ngumu kwa wakazi wake ikilinganishwa na upanukaji wa mji na makazi ya watu unaoendana na ongezeko la kuzaliwa kwa taka ngumu mjini. Kwa kutimiza azma hiyo Halmashauri inafanya yafuatayo:
Uboreshaji wa huduma za usafi wa mazingira
Halmashauri inaboresha huduma zake za usafishaji wa mazingira ya Jiji ikiwa ni pamoja na kuongeza uwezo wake katika utoaji huduma za ukusanyaji taka na usafirishaji wake. Jumla ya tani 240 huzalishwa kila siku kwa kata zote 27, Kiasi cha taka kinachozalishwa na kupelekwa dampo kimeongezeka kutoka asilimia 60 hadi asilimia 95 ya tani 140 za taka zinazozalishwa katika kata 17 za maeneo ya mjini ikilinganishwa na kipindi cha nyuma kilichopita.
Usafishaji wa barabara
Aidha, hudama za usafishaji wa barabara kuu na mifereji mikubwa ya maji ya mvua inaendelea kufanyika mara kwa mara na kuepusha mafuriko na madhara mengine ya kiafya na mazingira kwa jamii.
Uboreshaji wa dampo la Mwang’ombe
Halmashauri imeboresha dampo la Mwang’ombe kwa kulikarabati ili kuboresha udhibiti wa taka ngumu (Controlled tipping) kuendana na mpango mkakati wake wa udhibiti taka na usafishaji wa jiji (City SWM strategic plan).
Upatikaji wa vifaa vya usafi
Halmashauri imepata vifaa vipya vya udhibiti taka kupitia mradi wa Tanzania Strategic City Program (TSCP) ambavyo kupitia mpango maalumu wa matumizi yake, vimewezesha Halmashauri kuanza kutoa huduma ya udhibiti taka na usafishaji wa mazingira ya jiji kwa uhakika zaidi. Hali hii imeboresha zaidi imani yao kwa serikali na pia kuongeza ushiriki wao katika shughuli za usafi kujenga kati yao mahusiano mema zaidi.
Vifaa mbalimbali vya usafi kupitia mradi wa TSCP unaofadhiliwa na Benki ya Dunia vikiwemo Wheel loader 1, Bulldozer 1, Hydraulic Excavator with rubber tyres 1, landfill Compactor 1, Tractor 3, Teller 4, Tipper Truck 1, Skip Loader 3, Skip Buckets 29, Washing machine 1, Axle weighbridge 1, Workshop tool set 1 na Environment Monitoring equipment set 1.
Kampeni ya usafi
Zoezi la kampeni ya usafi (msaragambo) linafanyika katika kila Jumamosi ya mwisho ya mwezi na pia Mitaa imekuwa na zoezi la ukaguzi na ufuatiliaji wa wakazi wake. Pamoja na zoezi hili kuwezesha usafi wa baadhi ya maeneo teule kwa zoezi hilo, lakini pia linahusika na kuongeza ufahamu wa jamii, kubadili mitizamo yao na kupenda kufanya usafi ili kudhibiti magonjwa na kuboresha afya zao.
Elimu kwa Jamii
Programu ya uelimishaji jamii zinaendelea kufanyika kupitia fursa mbalimbali ikiwa pia ni pamoja na kupitia program za vyombo vya habari (Tanga TV na Redio za jijini), mikutano ya jamii, matangazo ya magari na kupitia siku ya zoezi la kampeni ya usafi wa mazingira ya kila mwezi (Msaragambo).
Uboreshaji wa maeneo ya wazi
Jumla ya maeneo 14 ya wazi (Garden and Parks) yameboreshwa na kuchangia ongezeko la miundombinu ya kijani ya jiji na pia upendezeshaji mandhari ya jiji letu.
Tafiti za udhibiti wa athari za Mazingira (EIA)
Miradi mipya yote ya viwanda, mafuta, ujenzi n.k. inaendelea kusimamiwa na kuhakikisha inafanyiwa tafiti za udhibiti wa athari za mazingira (Environmental Impact Assessment - EIA) ili kuepusha miradi hiyo kuja kuwa na madhara kwa mazingira ya jiji na afya ya jamii yetu.
Zoezi la msaragambo limeendelea kufanyika. Uboreshaji wa utekelezaji wa zoezi la msangambo kwa kushirikisha zaidi kata na mitaa pia ushiriki wa wananchi katika usafi na mazingira yanayowazunguka na pia katika maeneo ya jamii na maalumu.
Kuimarisha Vikundi vya jamii 9 ili viweze kutoa huduma za uzoaji taka na usafi na Mazingira katika kata 4 za Mabawa, Usagara, Makorora na Duga.
Kuwashirikisha Maafisa watendaji wa Kata, Mitaa na Maafisa Afya katika kuhakikisha maeneo yao yanakuwa safi
Hatua nyingine zinazochukuliwa katika kuboresha usafi wa mazingira:
Aidha kazi ya usafishaji wa mifereji ya maji ya mvua imefanyika kwa mifereji iliyopo kando ya barabara za katikati ya jiji
Barabara: Barabara za Taifa, Karume, Ngwilizi, Pangani, Jamhuri na Korogwe
Maeneo ya Makazi na Biashara:Katika kata za Central, Ngamiani Kaskazini, Ngamiani Kusini, Makorora, Majengo, Msambweni, Nguvumali, Usagara, Ngamiani, Mabawa, Chumbageni, Maweni na Tangasisi.
Masoko: Masoko yaliyohudumiwa ni Mgandini, Makorora, Ngamiani, Mlango wa Chuma, Majani mapana na Gulio la Tangamano.
Maeneo muhimu yanayozolewa taka ni:
Masoko: Masoko yaliyohudumiwa ni Mgandini, Makorora, Ngamiani, Mlango wa Chuma, Majani mapana na Gulio la Tangamano.
Maeneo ya Makazi na Biashara:Katika kata za Central, Ngamiani Kaskazini, Ngamiani Kusini, Makorora, Majengo, Msambweni, Nguvumali, Usagara, Ngamiani, Mabawa, Chumbageni, Maweni na Tangasisi.
Barabara: Barabara za Taifa, Karume, Ngwilizi, Pangani, Jamhuri na Korogwe
Aidha kazi ya usafishaji wa mifereji ya maji ya mvua imefanyika kwa mifereji iliyopo kando ya barabara za katikati ya jiji
