Zimamoto sasa kuelekea Makanisani na Misikitini

Imewekwa: June 10th, 2019

Jeshi la zimamoto na uokoaji   jijini Tanga  limesema limejipanga  katika kuhakikisha linatoa elimu  kwa wananchi  pamoja  na taasisi  zote zikiwemo  shule na makampuni kuhusu kujikinga na majanga ya moto.

Hayo yamesemwa na  Kamanda wa Jeshi  la zimamoto  na uokoaji jijini Tanga  Goodluck Zelote  katika kikao kazi  kilichofanyika katika ukumbi wa kikosi hicho.Aidha Kamanda  Zelote  amewataka wananchi  kutoa ushirikiano kwa Jeshi la zimamoto pindi majanga mbali mbali yanapotokea ili waweze kupata msaada wa haraka.

Pia amesema jeshi la zimamoto  na uokoaji linatoa mafunzo maalum  kwa vijana  ngazi ya kata ili waweze kuwasaidia pindi majanga ya moto yanapotokea katika maeneo yao.