Waziri wa Afya aipongeza Halmashauri ya Jiji la Tanga kwa kukamilisha ujenzi wa kituo cha Afya

Imewekwa: July 4th, 2019

Waziri wa Afya Wazee Jinsia na Watoto Mh Ummy Mwalimu ameipongeza Halmashauri ya Jiji la Tanga kuwezesha kukamilika kwa Zahanati ya Kwanjeka.

Mhe.Ummy Mwalimu ametoa kauli hiyo wakati akizindua Zahanati ya Kwanjeka Nyota iliyopo kata ya Mnyanjani jijini Tanga.

Aidha Mhe.Ummy Mwalimu ameziagiza Halmashauri zote Nchini kutumia Rasilimali fedha na makusanyo yao kutatua changamoto za Mwananchi ikiwemo ujenzi wa miundombinu ya kutoa huduma za Afya  na kusisitiza kuwa linapokuja swala la maendeleo ya wanatanga hakuna vyama.

"Uwepo wa zahanati hii ya Kwanjeka ni utekelezaji wa ilani ya uchaguzi ya CCM ya kusogeza huduma za Afya  karibu na wananchi kwaiyo Watendaji,Mkurugenzi,na CHMT kamati ya uwezeshaji ya Afya ya Halmashauri  matarajio yangu ni kwamba kutatolewa Huduma bora za Afya naisio jengo suri tu,Hospitali na Zahanati ni huduma sio kuwa na majengo wataalam mpo mnanisikiliza ni lazima tuhakikishe vifaa vyote muhimu vinapatikana"Amesema hayo Ummy Mwalimu.

Pia amewataka watumishi watakaofanya kazi katika Hospitali hiyo ni marufuku kutoa lugha chafu  kwa wagonjwa au wateja wao  hivyo anamatarajio ya kuwa watatoa huduma nzuri sambamba na lugha nzuri kwa wananchi  na kuwataka wananchi kutoa taarifa  ya muuguzi yeyote atakayehitaji rushwa au kutoa lugha mbaya.

"Mimi ninaamini watumishi wetu wa Afya tumewapa maelekezo mazuri  kwa kuzingatia kanuni,Maadili;na uweledi wa utendaji kazi zenu pia tutajitahidi kama serikali kuu kuongeza watumishi wa Afya tumeomba Utumishi watupatie kibali cha kuajiri hivyo  tunaamini kabla ya mwisho wa mwaka huu tutakuwa tumeajiri watumishi kwa nafasi yangu kama Waziri wa Afya lakini pia kama mbunge  kutokea Tanga mjini  nitahakikisha huduma au vipimo vyote muhimu vinapatikana hapa  tunamshukuru Balozi   wa China ametupatia shillingi Milioni 40 kwa ajali ya kununua vifaa tiba vikiwa tayari  Mkurugenzi tutakukabidhi"Amesema hayo Ummy Mwalimu

Mhe.Ummy Mwalimu amewaomba wakazi  wa jiji la Tanga  na Tanzania kwa ujumla  kujiunga na Bima ya Afya  CHF iliyoboreshwa  kwa shillingi 30,000 kwa watu 6 kwa mwaka mzima  na wamefanya maamuzi kama Serikali  kuhakikisha kila Mtanzania hata awe masini anapata huduma ya Afya bila kikwazo cha fedha.