Waziri Mkuu Kassim Majaliwa kufanya ziara ya siku 1 Tanga

Imewekwa: June 30th, 2020

Mkuu wa Mkoa wa Tanga Martine Shigela amesema Waziri Mkuu wa Jamhuri ya  Muungano wa Tanzania Kassim Majaliwa anatarajia kufanya ziara tarehe 1 mwezi wa 6 Mkoani Tanga ikiwa ni mwendelezo wa ziara yake ya kukagua utekelezaji  wa agizo lake kwa bodi ya mkonge  alilolitoa mwezi wa 3 Mwaka huu.

Akizungumza na waandishi wa habari Shigela alisema Waziri Mkuu anatarajiwa kuzindua jengo la bodi ya mkonge lililopo Jijini Tanga na baadae atatembelea Taasisi ya utafiti ya mlingano na kukagua vitalu vya zao hilo .

Shigela alisema kuwa ziara hiyo ni mahususi kwaajili ya kufuatiali  maagizo aliyoyatoa tarehe  1 mwezi 3 mwaka huu baada ya kupokea taarifa ya kamati maalum aliyounda kwaajili ya kufuatilia  mali za bodi ya mkonge .

“Waziri Mkuu anatarajia kufanya ziara katika Mkoa wetu na ziara hiyo itakuwa ni mwendelezo wa ziara yake aliyoifanya  mwezi wa 3 na akatoa maagizo fulani kwaiyo hiyo ziara itakuwa mahususi kwaajili ya kuja kuona maagizo aliyokwisha yatoa ya ufuatiliaji na ufafanuzi wa zao la mkonge na namna ya utekelezaji na urejeshwaji wa mali ambazo zilitajwa kuwa ziliporwa kinyume cha utaratibu na sheria “Alisema Mkuu wa Mkoa wa Tanga Martine Shigelas

 Shigela aliendelea kufafanua kuwa ujio huo ndio utakuwa ukombozi katika Mkoa wa Tanga  kwani endapo zao la mkonge litafufuliwa na kuimarishwa Mkoani humo Wananchi wataweza kujikwamua kiuchumi kutokana na kilimo cha zao hilo.

Ziara hiyo ya Waziri Mkuu Kassim Majaliwa ina  lengo la kufuatilia utekelezaji wa majengo pamoja na mashamba ya bodi ya mkonge yaliyokuwa yamechukuliwa na Wananchi  kinyemela kwa  maslahi yao  binafsi ambapo baadhi yao hujiwekea katika  Taasisi zao binafsi .