Wazazi washauriwa kuwapa elimu ya maisha watoto

Imewekwa: October 4th, 2019

Naibu Waziri Ofisi ya Waziri Mkuu na watu wenye ulemavu  Stela Ikupa amewaasa wazazi na walezi  wa Wilaya ya  Tanga  kuwapa elimu ya maisha  watoto wao ili iweze  kuwasaidie kujitambua.

Ikupa amesema hayo wakati wa ziara yake aliyoifanya Wilayani Tanga na kusema  kuna umuhimu mkubwa kwa wazazi  kukaa na watoto wao na kuwaelimisha kuhusiana na  maisha kuliko kusubiri watoto  wafundishwe shuleni .

“Kila mzazi achukue jukumu la kukaa na watoto wake na kuwaeleza yaliyopo ndani ya dunia na kuwambia wakienda kwa njia hii wataishia pale na wakienda kwa njia hii watafika pale itasaidia kuliko kusuburi viongozi wa dini na walimu mashuleni ,kwani msingi wa malezi  bora unaanza ndani ya familia  na samaki mkunje angali mbichi “,.Alisema Stela Ikupa

Sambamba na hilo Ikupa amewashauri wanasiasa wanapoelekea katika uchaguzi wa serikali za mitaa wawe na  wakalimani wa lugha za alama ili waweze kuwasaidia watu ambao wanashida ya kusikia kwa sababu wamekuwa wakiachwa nyuma .

“Tunapoelekea katika uchaguzi tuangalie ni jinsi gani tunaweza kuwahimiza wanasiasa kuwa na wakalimani wa lugha ya alama ambao wataweza kuwasaidia watu ambao wana shida ya kusikia waweze kuelewa lakini kuwa na mkakati wa kuwa na mtu kama huyo ifike mahari tuwe na mtu kama huyo katika Halmashauri”,.Alisema  Ikupa

Pia stela aliweza kutembelea kituo cha watu wenye ulemavu cha YDCP  na kuwapongeza kwa kujikubali na kuwataka walemavu ambao hawajajitokeza waweze kujitokeze na kujiunga katika vikundi mbalimbali vya ujasiriamali .

Aidha Stela amewashauri walemavu hao kujitokeza na kuchukua fomu za kugombea nafasi mbalimbali za uongozi  na kuwachagua viongozi wa serikali za mitaa wanaowafaa s na kuacha dhana ya kuamini kuwa hawawezi  kuwa viongozi .

                                                                               Baadhi ya walemavu katika kituo cha YDCP kilichopo Jijini Tanga

                                                                                 Mkalimani wa lugha za alama akiwaelekeza wenzake