Watoto kupewa chanzo ya Surua na Rubella

Imewekwa: October 17th, 2019

Mkuu wa Wilaya  Tanga Thobias Mwilapwa amewapongeza  wananchi wa Jiji hilo  ambao wamejitokeza kwa wingi kupima   chanjo ya magonjwa  surua pamoja na  rubella.

Mwilapwa ametoa pongezi hizo wakati wa uzinduzi wa kampeni ya  chanjo dhidi ya surua na rubella kwa watoto wenye umri chini ya miaka 5  iliyofanyika katika kituo cha afya cha Ngamiani kilichopo Jijini tanga ambapo  wananchi wameonesha mwitikio mkubwa ikiwa ni siku ya kwanza ya kuanza zoezi hilo .

Mwilapwa ameongeza kuwa Taifa  limeanzisha kampeni ya kupambana na magonjwa matatu ambapo kati ya magonjwa hayo mawili yanafanana ambayo ni surua na rubella pamoja na polio .

“Taifa letu limeanzisha kampeni ya namna hii ya kupambana na magonjwa matatu ambayo mawili yanafanana sana surua na rubella pamoja na polio tangu mwaka 1999 na kila baada ya miaka 3tunafanya kitendo cha kampeni yenye lengo la kuhamasisha ufahamu kwa watu wengi kuhusu mambo ya msingi na mambo yanayotakiwa kufanyika “,.Alisema Thobias Mwilapwa Mkuu wa Wilaya ya Tanga

 Pia  Mwilapwa ameongeza kuwa serikali inatumia fedha  kwaajili ya kusaidia wananchi wake hivyo wanapaswa kujitokeza zaidi  ili kupima na kutambua afya  za watoto wao  na kupewa chanjo  .

Kwa upande wake Mganga Mkuu wa Mkoa wa Tanga  Jonathan Budenu  amesema lengo kuu la kampeni hiyo ni kupambana na kuzuia na magojwa yanayoweza kuzuilika na chanjo .

“Tunazuia magonjwa haya kwa kutoa chanjo kwa watoto wote wenye umri kati ya miezi 9 hadi chini ya miaka 5 na kampeni hiyo itafanyika katika vituo vyote vya afya pamoja na maeneo ambayo yatakuwa yamechaguliwa kuweza kuwasogezea wananchi huduma hii karibu”,.Alisema Mganga Mkuu wa Mkoa wa Tanga

Kauli mbiu ya kampeni ya chanzo dhidi ya surua na rubella kwa watoto wenye umri chini ya miaka 5 ni  Chanzo ni kinga kwa pamoja tuwakinge .

Wananchi wakiwa katika kituo cha Ngamiani   kuwapima  watoto  wao surua na rubella Jijini Tanga 

Mganga Mkuu wa Mkoa wa Tanga  Jonathan Budenu akiwaasa wananchi kujitokeza ili kuwapa  watoto wao chanjo