Wananchi watakiwa kuchangia maendeleo ya Mitaa yao Jijini Tanga

Imewekwa: January 13th, 2020

Mstahiki Meya wa Jiji la Tanga Mustafa Selebosi amewataka Viongozi katika ngazi za Mitaa  kuwahimiza Wananchi katika kuchangia Maendeleo katika Mitaa yao.

Selebosi ameyasema hayo wakati wa hafla ya kupoke msaada wa vitanda ,Magodoro na Mashuka katika kitua cha Afya Duga kutoka kiwanda cha vipodozi  (Tanga Pharmaceutical and plastic limited) TPPL kilichopo Mkoani Tanga

Akizungumza na Viongozi wa Mtaa wa Duga ikiwemo Diwani,Watendaji , Wenyeviti pamoja na Wahudumu wa Afya wa Kituo cha Afya Duga Mstahiki Meya wa Jiji la Tanga Mustafa Seleboss amesema kuwa ni vema Viongozi wa Mitaa wakawahimiza Wananchi wao kuchangia Maendeleo katika Mitaa wanayoishi ili kuunga jitihada  za Serikali  katika utekelezaji wa Miradi mbalimbali ya Maendeleo.

Sambaba na hayo Selebosi amesema kuwa atashirikiana na Viongozi wa Kata ya Duga katika kujenga uzio wa kituo hicho cha Afya ili kulinda usalama wa eneo hilo.

“   Lakini kingine niwaombe Wenyeviti Mhe Diwani amezungumza kuhusu suala la uzio tunatakiwa tuangalie huduma za kijamii kwanza kuhamasisha Wananchi chini ya Mhe Diwani kweza kuchangia Maendeleo katika eneo hili  na ni wajibu wetu kuimarisha vituo hivi ili kupunguza msongamano uliopo ndani ya eneo hili  ” ,.Alisema Mstahiki Meya wa Jiji la Tanga Mustapha Seleboss                                     

 kwa upande wake Diwani waKkata ya Duga  Khalid Rashidi amewapongeza watoa huduma wa Kituo hicho cha Afya kwa kuwahudumia  Wananchi wa Kata ya Duga na Kata za jirani huku Mwenyekiti wa CCM Kata ya Duga Joseph Kilumbo ameeleza  namna Chama hicho kinavyotekelza  ilani yake.

Nae Mganga Mfawidi wa Kituo cha Afya cha Duga  Dkt Magreth  Matutu ameeleza taarifa ya kituo huku  Mwenyekiti wa kamati ya huduma  za jamii Shiloo  ametoa wito kwa Mashirika mengine kuweza kusaidia na kuunga mkono jitihada za Serikali.