Wananchi Tanga washauriwa kutunza mazingira

Imewekwa: October 22nd, 2019

Wananchi Wa Jiji la Tanga wameshauriwa kushirikiana  vyema na  viongozi wa  Halmashauri ya Jiji hilo katika   kudumisha usafi  wa mazingira na kuacha kuwa na dhana potofu  kuwa manispaa na mabaraza ya Jiji ndio wanatakiwa kufanya hivyo  .

 Hayo yamesema na Mkurugenzi   wa Halmashauri ya Mji wa chakechake kutoka visiwani Zanzibar  Salma Hamad wakati wa ziara yao waliyoifanya jijini  Tanga ambapo amesema endapo wananchi watashirikiana  katika kutunza mazingira na kuyaweka katika hali ya usafi Tanga itapiga hatua kubwa katika maendeleo .

“Bila kukusanya mapato huwezi kuendeleza miradi ya maendeleo wala huwezi  kudumisha usafi wa mazingira lakini tukikubaliana kwa pamoja na tukaona hili nilakwetu kiujumla itakuwa kila siku tunapiga hatua  kwaajili ya kuyaendeleza haya lakini sisi manispaa  pamoja na mabaraza tutazidi kuhakikisha huduma kwa wananchi  zinapatikana kwa urahisi “,.alisema Mkurugenzi wa  Halmashauri ya Mji wa Chakechake  kutoka visiwani Zanzibar

Kwa upande wake  Diwani wa Mji wa Chakechake  kutoka visiwani Zanzibar  Ally Yussufu  ameishukuru Halmashauri ya Jiji la Tanga kwa mapokezi mazuri waliyowaonyesha nana kuwapongeza kwa  jinsi wanavyotekeleza miradi ya maendeleo .

“Tunashukuru sana kwa mapokezi mazuri mliotuonesha lakini pia nimshukuru sana Afisa Mahusiano wa Jiji la Tanga kwani tumekuwa nae toka asubuhi mpaka sasa saa 12 hachoki na nimtendaji mkubwa kazini “,.Alisema Ally Yussufu Diwani kutoka Zanzibar

Nae Mohamed Ally ambaye ni Daktari kutoka Visiwani Zanzibar amesema  wamejifunza vitu vingi ambavyo wanaahidi kwenda kuvifanya pindi watakaporejea Zanzibar .

wawakilishi hao  waliweza kufanya ziara katika miradi mbalimbali ikiwemo Kituo cha matangazo ya runinga cha Tanga tv,Dampo,duka la dawa la Halmashauri ,Shule ya sekondari ya Usagara,kituo cha afya Ngamiani ,kiwanda cha matofali pamoja na stendi ya Kange na  Lengo kuu la ziara hiyo ni kuja kujifunza mambo mbalimbali ya kimaendeleo kutoka Jijini Tanga 

Kiwanda cha matofali kilichopo Jijini Tanga