wanafunzi waaswa kuepuka udanganyifu

Imewekwa: November 1st, 2019

Jumla ya wanafuzi  5948 wa kidato cha nne  Jijini Tanga  wanatarajia kufanya mitihani yao siku ya jumatatu  November 4 ya  kuhitimu elimu ya sekondari kwa mwaka 2019  .

Hayo yamesemwa na Afisa elimu sekondari Jijini Tanga Lusajo Gwakisa wakati akizungumza na tanga television  amesemamtihani wa Taifa kwa kidato cha nne utaanza tarehe 4 na kumalizika tarehe 22 ya mwezi 11 kwa mwaka 2019.

Pia  Gwakisa amesema maaandalizi ya mitihani hiyo yako vizuri kwani wamefanya maandalizi ya kutosha kuanzia kwa wanafunzi ,madarasa pamoja na kamati ya usimamizi.

“Tutakuwa na mitihani ya taifa miwili tutakuwa na mtihani wa taifa wa kidato cha nne ambao utaanza tarehe 4 mpaka 22 na pia tutakua na mtihani wa taifa wa kitacho cha pili ambao utaanza tarehe 11mpaka tarehe 22”,.Alisema Lusajo Gwakisa  Afisa Elimu Sekondari Jijini Tanga 

Sambamba na  hayo Gwakisa ametaja jumla ya wanafunzi wa kidato cha pili ambao wanatarajia kufanya mtihani kuwa ni wanafunzi 6200 wakiwamo wasichana 3050 na wavulana 3150.

Sanjari na hayo Gwakisa  amewaasa wazazi pamoja na wanafunzi wa Jiji hilo kutojihusisha na vitendo vya udanganyifu kwani mitihani hiyo inaendeshwa kwa kanuni na taratibu za mitihani.