Waandishi Habari msio na Diploma mkasome

Imewekwa: January 7th, 2020

Waziri wa habari Utamaduni sanaa  na michezo  Dkt. Harrison Mwakyembe amepongeza tasnia ya habari nchini kwa juhudi za kuhabarisha watanzania juu ya mambo mbalimbali ikiwemo utendaji  kazi wa Serikali.

Waziri mwakyembe ameyasema hayo wakati akizungumza na wadau wa vyombo vya habari Mkoa wa Tanga ambapo amesema kuwa watanzania wana imani na tasnia hiyo hivyo ni wakati kwa waandishi wa habari kuzitumia vema kalamu zao na kudumisha amani nchini.

Dkt Mwakyembe  amewataka wananchi kujua kuwa fani ya uandishi  wa habari ni kazi ambayo inathamani  na kuwataka kuacha  kuwadharau waandishi wa wahabari  sambamba na kuwakumbusha waandishi ambao hawana diploma kwenda kusoma .

“Tumetunga sheria ambayo inawataka wanahabari kuwa na taaluma ya diploma ili  tuondokane na dhana ya  kuwa kila mtu akifeli sekondari anaambiwa  akasome tu uandishi wa habari na ndio maana wanahabari tunadharaulika “,.Alisema Mwakyembe

Pia Dkt . Mwakyembe amepiga marufuku kwa  wasimamizi wa mabasi ya abiria  ikiwa ni pamoja na madereva na makonda kupiga nyimbo ambazo zimezuiwa na serikali zisioneshwe kwenye runinga kwani zinavunja maadili ya Kitanzania .

“Ni marufuku kwa basi lolote la abiria kuonesha picha za  ovyo ambazo tumezizuia zisioneshwe kwenye runinga mchana basi ni chombo  ambacho kinapakia kila mtu kwaiyo ni lazima tuchukue hatua kali sana hatupo tayari kuharibu watoto wetu  “,.Alisema Waziri wa Habari Utamaduni Sanaa na Michezo Dkt Harrison Mwakyembe

Lengo la ziara ya Waziri wa Habari Utamaduni  Sanaa na Michezo kuja katika Mkoa wa Tanga ni kufuatilia usikivu wa redio ya Taifa katika Mikoa mbalimbali na kwa kuanza wameanzia Mkoani Tanga  ambapo pia waliweza kutembelea katika kituo cha matangazo cha Tanga Televisheni na kukipongeza kwa utendaji kazi wake .

Waziri wa Habari Utamaduni Sanaa na  Dkt. Harrison Mwakyembe  akiwasisitiza wanahabari wasio na Diploma  kwenda kusoma .

Wadau mbalimbali wa habari wakimsikiliza Waziri wa Habari Utamaduni Sanaa na Michezo  Dkt. Harrison Mwakyembe