Viongozi wa serikali watakiwa kutoka maofisini

Imewekwa: November 19th, 2019

Viongozi pamoja na watumishi wa  Serikali wametakiwa kutoa huduma bora kwa wananchi pamoja na  Kutoka  katika maofisi na kwenda kuzungumza nao kuhusu   kero na changamoto walizonazo ili waweze  kuzitatua.

Hayo yamesemwa na Msemaji Mkuu wa Serikali Dkt Hassani Abbas wakati akizungumza na Tanga tv mara alipotembelea kituo hicho ambapo amewasihi viongozi kutekeleza adhima ya Mhe Rais wa Jamhuri ya Muungano wa Tanzania Dkt   John Pombe Magufuli  inayosisitiza kwenda kuwasikiliza wananchi  .

“Tunamiaka minne tangu serikali ya awamu ya tano ya Dkt John Pombe Magufuli aingie madarakani mengi yamefanyika na tumeyaona lakini kubwa niwakumbushe viongozi wa serikali katika ngazi mbalimbali kuhakikisha sisi kama viongozi tunatoa huduma bora kwa wananchi na kuacha kuwa viongozi wa mezani”.,Alisema Dkt Hassani Abbas msemaji mkuu wa Serikali

Pia Dkt Hassani Abbas aliwatoa hofu Wananchi  wanaodai fidia Serikalini kwa kupisha miradi mbalimbali ya Maendeleo ambapo  amesema ni lazima kila Mwananchi anayedai  fidia atapewa kwani dhamira ya Serikali ni kuleta Maendeleo kwa Watanzania  .

“Kwenye eneo la fidia nisisistize kwamba sheria zipo na zinapaswa kufuatwa iwe anayetoa eneo ni Serikali kuu au upande wa Jiji au kwenye Halmashauri kwaiyo Serikali ya Rais  Magufuli  inasisistiza kwa Mwananchi atakayeondolewa kwa kupisha miradi ya Maendeleo lazima atalipwa fidia yake “.,Alisema Msemaji Mkuu wa Serikali

Sambamba  na hayo Msemaji Mkuu wa Serikali Dkt Hassan AbbasI amewataka Watanzania kujenga misingi ya kujitegemea kwa kuwa wazalendo wa kulipa kodi na kufanya kazi kwa bidii kwa Maendeleo ya Taifa letu huku akieleza ni kwa namna gani Serikali ya awamu ya tano ilivyoweza kupambana na rushwa.

“Pale ambapo unapaswa kulipa kodi yako ufanye hivyo naomba kuwakumbusha Watanzania kuwa miaka minne hakuna maajabu mengi sana  kila unachokiona kizuri ni sehemu ya kodi yako  na ukiona kitu kizuri ukawa hujawahi kulipa kodi ulikwepa ujijue wewe ni msaliti kwaiyo Watanzania lipeni kodi ili tulete Maendeleo ya Nchi yetu “.,Alisema Hassani Abbas

Lengo kuu la kufika kwa  Msemaji Mkuu wa Serikali  katika kituo cha Matangazo cha Tanga televisheni ni kuwafahamisha Wananchi  Maendeleo ya Serikali ya awamu ya tano kwa kipindi cha miaka minne ya Rais  Dkt John Pombe Magufuli.