Jamhuri ya Muungano wa Tanzania Ofisi ya Rais Tawala za Mikoa na Serikali za Mitaa Halmashauri ya Jiji la Tanga

VIKAO JIJI KUENDESHWA KIDIGITALI

Imewekwa: May 4th, 2023

Halmashauri ya Jiji la Tanga imenunua vishikwambi 64 vyenye thamani ya Tsh. 101,400,000.00 kwa ajili ya matumizi ya Madiwani, Wakuu wa Idara na Vitengo, vitakavyotumika katika mfumo wa uendeshaji wa vikao (E-Board) unaoratibiwa/kusimamiwa na mamlaka ya Serikali Mtandao (e-Ga).

Vishikwambi hivi vitasaidia kuongeza usiri wa taarifa mbalimbali za Halmashauri, na kuongeza uwazi na uwajibikaji.

Vitasaidia pia kupunguza gharama za uendeshaji wa vikao kwa kupunguza matumizi ya muda wa kuandaa makabrasha ya vikao, karatasi, wino, mafuta, umeme, vipuri vya mashine, n.k, na hivyo kuongeza ufanisi katika uendeshaji wa vikao.