Uandikishaji katika daftari waanza rasmi

Imewekwa: October 10th, 2019

 Katibu Tawala wa mkoa wa Tanga  Mhandisi Zena  Saidi amewaasa wananchi wa Jiji la Tanga kujitokeza kwa wingi kujiandikisha katika daftari la orodha la  wapiga kura  ili waweze kupata nafasi ya kuchagua viongozi wanaowataka .

Mhandisi Zena ameyasema hayo wakati alipokuwa akijiandikisha katika daftari la orodha la  wapiga kula katika mtaa wa Raskazoni amesema sifa ya mpiga kura lazima awe amejiandikisha .

“Msikubali mtu yeyote akawashawishi au  akawadanganya kwamba ukiwa na  kitambulishi cha kupigia  kura  basi tayari wewe  unahaki ya kupiga kura  ni lazima ujiandikishe katika mtaa wako “,.Alisema Katibu Tawala wa Mkoa wa Tanga Zena Saidi

 Kwa upande wake mkurugenzi wa Halmashauri ya Jiji la Tanga Daudi Mayeji amesema katika vituo hakuna foleni ndefu ambayo itamfanya mtu akakaa kwa muda mrefu hivyo wananchi wajitokeze kwa wingi kwani kujiandikisha ni haki yako ya msingi .

Mkurugenzi huyo ameendelea  kuwasisistiza wananchi wa Jiji la Tanga kufuata taratibu za uandikishaji ikiwa ni pamoja na kujiandikisha mara moja katika mitaa yao wanayokaa ili kutopoteza sifa za kupiga kura  .

“Ukijiandikisha zaidi ya mara moja ni kosa la kisheria na hatua kali zitachukuliwa kwako ni vizuri kila mwananchi akatumia fursa hiyo kwenda kujiandikisha ili aweze kutumia haki yake kupiga kura “,.Alisema Daudi Mayeji Mkurugenzi wa Halmashauri ya  Jiji la Tanga

Mayeji amesema  vituo vya kujiandikishia vinafunguliwa saa 2:00 asubuhi na kufungwa saa 12:00 jioni hivyo wananchi wananamuda mrefu wa kujitokeza na kujiandikisha hakuchukui muda mrefu .

Uandikishaji katika daftari la orodha ya wapiga kura umeanza rasmi tarehe 8   utamalizika tarehe 17 ya mwezi huu wa 9 hivyo wananchi wote jitokezeni  wa wingi kujiandikisha ili kuweza kupata viongozi watakaoleta maendeleo katika mitaa yenu .

Mkurugenzi wa Halmashauri ya Jiji la Tanga akijiandikisha katika daftari la orodha ya wapiga kura