Tanga yashika nafasi ya 11 Kitaifa

Imewekwa: October 21st, 2019

Afisa elimu  Msingi wa Halmashauri ya jiji la Tanga  Khalifa Shemahonge amesema wastani  wa  ufaulu kwa wanafunzi wa darasa la saba kwa mwaka 2019 umepanda kwa 89.1%   tofauti na miaka ya nyuma  ambapo kwa sasa  Jiji la Tanga limeshika nafasi ya 11 kitaifa .

Shemahonge amesema hayo  wakati alipotembelewa na tanga television Ofisini kwake ambapo amesema hali ya ufaulu kwa  sasa imesababishwa na jitihada walizokuwa wakizifanya ikiwa ni pamoja na wanafunzi kukaa kambi kipindi cha likizo.

“ukilinganisha miaka mitano ya nyuma na sasa kwakweli tumepiga hatua kubwa sana na yote hiyo inasababishwa na jitihada tulizokuwa tumeziweka sisi kuhakikisha tunafanya vizuri lakini pia tumejaribu kupanga ufaulu kikata na kuangalia ni kata zipi ambazo zimeweza kufanya vizuri zaidi ambapo kuna kata tatu ndio zimefanya vizuri zaidi Kata ya Usagara  ufaulu wa 181,Magaoni  174 na  kata ya central ni 172  na tukiangalia kata hizi zimeongezewa nguvu na shule za binafsi “,.Alisema Afisa elimu  Msingi wa Halmashauri ya jiji la Tanga  Khalifa  Shemahonge

Aidha Shemahonge amewataka Madiwani kushirikiana vyema na walimu ikiwa ni pamoja na kufuatilia maendeleo ya wanafunzi pamoja na ufundishaji wa walimu ili kuweza kuinua sekta ya elimu  .

Sambamba na hilo shemahonge amewataka wazazi kushirikiana vyema na walimu pindi  wanapoona vitendo vya ukatili kwa wanafunzi kwani vinachangia kwa asilimia kubwa kushuka maendeleo  ya taaluma kwa  wanafunzi .

Pia shemahonge ametoa wito kwa  wazazi kuwapeleka watoto ili wapate elimu kwani kwasasa elimu inatolewa bure bila malipo yeyote .

 Afisa elimu  Msingi wa Halmashauri ya jiji la Tanga  Khalifa Shemahonge akiongea na waandishi wa habari kuhusu matokeo ya darasa la saba