Tanga waendelea kujitokeza katika uandikishaji

Imewekwa: October 11th, 2019

 Mkuu wa Mkoa wa Tanga Martine Shigela amewaasa wananchi wa Jiji la Tanga kujitokeza kwa wingi kujiandikisha katika daftari la orodha la wapiga kula ili waweze kuwachagua viongozi wanaowafaa  .

Shigela amesema hayo wakati alipokuwa akijiandikisha katika mtaa wa Raskazone amesema ni vyema wananchi wakajiandikisha mapema kusubiri muda wa kupiga kura utakapowadia waweze kupiga kura .

“Uandikishaji katika Jiji la Tanga unaendelea  vizuri kwani watu wanajitokeza kujiandikisha  mpaka leo  34% ya watu wamejiandikisha sina budi kuwasii wananchi ambao bado hawajajiandikisha kujitokeza kwani ni vyema wakachagua wenyewe na sio kusubiri kuchaguliwa ukichaguliwa unakosa haki ya kumchagua uliyekuwa unamtaka “,.Alisema Martine Shigela Mkuu wa Mkoa wa Tanga

Shigela amesema muda wa vituo kufunguliwa kwaajili ya kujiandikisha  kuanzia saa 2:00 asubuhi mpaka saa 12:00  jioni na kujiandikisha hakuchukui muda mrefu ili tarehe 24 mwezi wa 11 washiriki kuchagua viongozi wao wa mitaa  .

Kwa upande wake msimamizi wa uchaguzi  wilaya ya Tanga Ramadhani Possi  amesema hali ya hewa ndio kikwazo kikubwa kinachosababisha watu kutojitokeza kwa wingi katika vituo vyao vya kujiandikishia .

“Tatizo kubwa ambalo linasababisha watu wasijitokeze kwa wingi kwenda katika vituo kujiandikisha ni hali ya hewa kumekuwa na mvua zinazoendelea kunyesha kuanzia tulivyoanza zoezi hili kama hali ya hewa itakuwa vizuri tunatumaini watu wengi watajitokeza kujiandikisha “,.Alisema Ramadhani Possi msimamizi wa uchaguzi Wilaya ya Tanga

Zoezi la uandikishaji katika daftari la orodha ya wapiga kura limeanza rasmi tarehe 8 na linamalizika tarehe 17 ya mwezi huu wa kumi hivyo wananchi mnapaswa kujiandikisha kwani kura yako moja ndio maendeleo ya mtaa wako na Taifa kwa ujumla.

Mkuu wa Mkoa wa Tanga Martine Shigela akipeana mkono na waandikishaji katika kituo cha Raskazoni

Msimamizi  wa uchaguzi Wilaya ya Tanga Ramadhani Possi akiwaasa wananchi kujitokeza katika uandikishaji katika daftari la orodha ya  wapiga kura