Tanga kuweka mkakati wa kuinua uchumi

Imewekwa: March 5th, 2020

Katika kuhakikisha uchumi wa Nchi unaimalika wadau mbalimbali wa wakiwemo Madiwani ,Wakuu wa idara mbalimbali ,Mashirika pamoja na wafanyabiashara Jiji Tanga wamekutana ili kupitia mkakati wa uendelezaji wa uchumi katika Jiji hilo.

Akifungua warsha hiyo Mstahiki Meya wa Jiji la Tanga Mustapha Seleboss amewataka wadau kuangalia namna gani wanaweza kuikwamua Tanga kiuchumi ili kusonga mbele zaidi.

"Tunahaja ya kuona bahari tunaitumiaje katika suala la kujenga viwanda vya kisasa na mitambo mikubwa kwasababu Tanga tumebarikiwa kuwa na bahari ili kuwasaidia wavuvi wanaondokana na umasikini  na kuona tunaisaidia Tanga kusonga mbele ya hapa tulipo"Alisema Mstahiki Meya wa Jiji la Tanga Mustapha Seleboss

Sambamba na hayo Mstahiki Meya amewashauri wadau hao kuangalia ni wapi kwenye mapungufu ili kuweza kurekebisha na kuboresha zaidi .

Kwa upande wake Mwenyekiti  wa kamati ya uchumi Afya na Elimu  Shiloow Abdulrahman amewaasa wadau  hao  kuwa wabunifu katika kuanzisha biashara zao.

"Tatizo kubwa la watu wanakopy na kupest mtu akitaka kuanzisha biashara anaangalia mwenzake kaanzisha nini na yeye anaiga matokeo yake Tanga inashuka katika maendeleo"Alisema Shiloow Abdulrahman

Nae Mshauri kutoka Shirika la NIRAS Donald Liya amewaasa wafanyabiashara hao kuwa na nia ya dhati katika kutekeleza jambo hilo ili kusaidia kuinua uchumi wa Tanga .