Tanga kurudi katika nafasi yake

Imewekwa: November 27th, 2019

Mkuu wa Mkoa wa Tanga Martine  Shigela  ameishukuru Benki Kuu ya Tanzania kwa kuja Tanga na kutoa elimu  ya shughuli zinazofanywa na Benki hiyo sambamba na kutambua  fursa mbalimbali  zilizopo katika Mkoa wa Tanga kwa ujumla.

Shigela amesema kuwa kupitia  elimu hiyo iliyotolewa na Benki Kuu itasaidia kuweka mikakati katika Sekta ya Umma pamoja na Sekta Binafsi ili kujua ni namna gani ya kuboresha maisha ya watu na kuweza kuinua Uchumi wa mtu mmoja na Taifa .

“Ni jambo zuri  kwasababu sisi sikuzote tunaangalia ngazi ya Taifa  na  Nchi yetu inafanya vizuri kwenye mapato pia  inafanya vizuri kwenye makusanyo kwaiyo ukiyaboresha maisha ya watu unakuwa umeboresha Nchi  na mtu mmojammoja “,.Alisema Mkuu wa Mkoa wa Tanga Martine Shigela

 Shigela amesema chini ya Uongozi wa Rais Dkt John Magufuli  umeifanya Tanga kurudi kwenye nafasi yake kwa uchangiaji mzuri  wa pato la Taifa .

“Viwanda vingi vikubwa historia yake ni Tanga ,historia ya shule ipo Tanga ,Reli nayo ni Tanga ,Bandari i Tanga sasa kwanini tusirudi kwenye nafasi yetu “,. Alisema Martine Shigela

Kwa upande wake Meneja wa Idara ya Uchumi Benki kuu kanda ya kaskazini  Dr Wilfred Mbowe  amesema ni sehemu ya sera ya Benki  Kuu kukutana na wadau lakini pia na washirika wake na kuelezea mambo mbalimbali yanayohusu Uchumi  jinsi unavyoendelea.

“Hapa tulikuwa tunahudhuria kikao cha ushauri  cha Mkoa wa Tanga lakini pia kufafanua  fursa ambazo zinapatikana katika mkoa huu na zinahusiana na masoko”,.Alisema Dr Wilfred Mbowe

Lengo kuu la serikali ni kuwafanya wadau wafahamu  hayo masoko na pia wanaweza wakashauri  nini kifanyike .

Washiriki mbalimbali waliojitokeza kupata elimu inayotolewa na benki kuu