Tanga kuimarisha ulinzi katika sikukuu za pasaka

Imewekwa: April 10th, 2020

Mkuu wa Wilaya ya tanga Thobias Mwilapwa ametoa wito kwa wananchi kuendelea kuwa na ushirikiano katika kutoa taarifa pindi wanapoona watu wakiingia kinyemela katika Wilaya ya  tanga na kuwataka kuendelea kuzingatia masuala ya usalama kwa kuchukua tahadhari zinazotakiwa .

Akizungumza na tanga televisheni Mkuu wa wilaya hiyo Thobias Mwilapwa aliwatoa wawasi wananchi katika kipindi hiki cha  sikukuu za pasaka kuwa watahakikisha wanaimarisha ulinzi  kwenye nyumba za ibada ,Fukwe na kuwaasa wananchi kutokaa  katika sehemu zenye mikusanyiko .

  “Nianze kwa kuwatakia heri ya sikukuu ya pasaka wakristo wote  na nipende kumshukuru mungu kuwa mpaka sasa Tanga hatuna mgonjwa yeyote mwenye maambukizi ya virusi vya Corona na yote hiyo ni kwasababu wananchi wanaonesha mshikamano wa kutosha kwa kuwafichua wageni wanaoingia kwa njia za kinyemela niwashukuru sana na niwatoe wasisi kuwa katika masuala ya usalama kwa kipindi hiki cha sikukuu tumeandaa nguvu kutoka kwa askari itakayozunguka kuhakikisha usalama katika makanisa na sehemu za fukwe  “Alisema Mkuu wa Wilaya ya Tanga  Thobias Mwilapwa

Sambamba na hayo Mwilapwa aliwataka wananchi kutambua kila anayewekwa sehemu kwaajili ya uangalizi  sio mgonjwa hivyo waache tabia ya kutoroka wakiwekwa huko kwani kwakufanya hivyo wanaweza kueneza ugonjwa kwa watu wengine .

 Kwa Upande wake mkurugenzi wa Jiji la Tanga  Daudi Mayeji alisema katika kpindi hiki ambacho dunia inaendelea kupambana na ugonjwa wa corona,Halmashauri ya Jiji la Tanga inaendelea  kutoa elimu kwa wananchi kuzingatia maelekezo ya wataalam wa afya.

 Mbali na hayo Mkurugenzi huyo aliweza kuwakumbusha wananchi kuwa na amani katika kusherekea sikukuu ya pasaka .