Tanga Jiji yapokea msaada kutoka ASA Microfinance

Imewekwa: July 3rd, 2020

Mkurugenzi wa Halmashauri ya jiji la tanga Daudi mayeji ameishukuru kampuni ya ASA Microfinance (TANZANIA) LTD kwa msaada wa  chakula  ambao wametoa kwani utasaidia mashuleni  kuhakikisha wanafunzi wanapata chakula cha mchana kwakuwa muda wa masomo umeongezwa mpaka saa 10:30.

Mayeji alitoa pongezi hizo wakati akipokea msaada huo kutoka kwa kampuni ya ASA Microfinance (TANZANIA) LTD ambapo ameahidi msaada huo utafika kwa walengwa .

“Nawashukuru sana Micrifinance kwa msaada huu kwani hiki chakula tutapeleka katika taasisi zetu za shule kwakuwa muda umeongezwa kwaiyo ambayo imetoa mchele, unga ,sukari,maharage ,mafuta ya kula pamoja na sabuni .wanafunzi wataweza kupata chakula cha mchana na tunaahidi tutafikishwa kwa wanafunzi ili waweze kusoma vizuri “Alisema Mkurugenzi wa Jiji la Tanga Daudi Mayeji  

Kwaupande wake meneja wa ASA Micrifinance Tanzania limited Afzal Hossain alisema lengo la kutoa msaada huo ni kuhakikisha  sekta ya elimu inaenda vizuri.

Nae afisa lishe  wa Halmashauri ya Jiji la Tanga Sakina Mustapha aliishukuru kampuni hiyo kwaajili ya msaada walioutoa kwani umetolewa katika wakati mwafaka ambao wanafunzi ndio wamefungua shule .