Tanga Jiji yafikia 84% ya mapato

Imewekwa: September 26th, 2019

Baraza la Madiwani wa Halmashauri ya  Jiji la Tanga limekutana leo Alhamisi Jijini hapa  kujadili hesabu za mwisho wa  mwaka wa fedha 2018/2019.

Akifungua baraza hilo Mstahiki Meya wa Jiji la Tanga  Mustapha Selebos amesema Halmashauri ya Jiji la Tanga imefikia lengo la mapato yake ya ndani  kwa 84% na  kuwataka Viongozi pamoja na wakuu wa idara kuongeza juhudi  ili kufikia 100% ambayo ndio lengo kuu .

“Kwanza niwashukuru waheshimiwa Madiwani sifa hizi ni zetu sote  tumevumiliana sana katika kazi  na siri kubwa ya mafanikio haya ni kwenu waheshimiwa Madiwani kwasababu tumeangalia Tanga  kwanza”,.Alisema Mustapha  Selebos

Mustahiki Meya  amesema kuwa  viongozi wa Jiji la Tanga  wamekuwa na umoja ambao haujaangalia  vyama wanavyotoka   kitu ambacho ni kizuri katika kuleta maendeleo katika Jiji na Mkoa kwa ujumla .

“Tumeanza vizuri sana lakini tunatakiwa tunapokutana tena tuzungumzie asilimia kubwa zaidi ya hapa tulipo kwahiyo tunaporudi katika maeneo yetu sisi tuwe sehemu ya kuwahamasisha watu kulipa kodi ”,.Alisema Mstahiki Meya

Aidha Mstahiki Meya  ametoa wito kwa Madiwani kukagua vitambulisho vya wafanyabiashara wadogowadogo  ili kuweza kuwatambua wafanyabiashara wanaofaa kupewa vitambulisho kwani kumekuwa na wafanyabiashara wasiokidhi vigezo vya  kumiliki vitambulisho hivyo hususani wavuvi .

Mkutano huo maalumu wa madiwani  wakujadili hesabu za mwisho wa mwaka wa fedha  2018/2019, Pia Halmashauri ya Jiji la Tanga imejipanga kuongeza zaidi mapato  kwa kuibua vianzia mbalimbali vya mapato   ikiwemo mradi wa kufyatua matofali kwa kutumia mashine za kisasa na kuuza matofali hayo kwa wadau mbalimbali kwa mwaka wa fedha 2019/2020

 .       Madiwani Jijini Tanga wakiwa katika kikao cha mwisho kwa mwaka wa  fedha  2018/2019.

         Wakuu wa idara wakiwa makini kusikiliza katika kikao cha mwisho kwa mwaka wa fedha 2018/2019.