Mwilapwa apiga marufuku uanzishwaji wa tution mitaani

Imewekwa: April 6th, 2020

Mkuu wa Wilaya ya Tanga Thobias Mwilapwa ametoa agizo kwa wote waliofungua madarasa ya pembeni na kufundisha Wanafunzi au Wanachuo manyumbani maarufu kama (tution) wafunge mara moja kwani ni  kupingana na tamko la Serikali kutokana na kupiga marufuku mikusanyiko ili kudhibiti maambukizi ya virusi vya corona.

Mwilapwa amesema hayo wakati akizungumza na tanga television juu ya watu ambao wamefungua tution ambazo ni mikusanyiko kwani Serikali imewaondoa Wanafunzi Mashuleni ili kuwakinga na maambukizi ya ugonjwa wa corona.

“Zipo habari baada ya vijana kuwatawanya lakini kuna watu wanaendelea kuwakusanya kwenye maeneo fulani kama maeneo ya Burudani ,Vijiwe au Madarasa ya kufundishana yote hiyo sahihi kwasababu tutakuwa tunakwenda kinyume cha mpango wa Serikali  ya kuondoa msongamano kama mkakati wa kupambana na ugonjwa wa Corona “,.Alisema Mkuu wa Wilaya ya Tanga Thobias Mwilapwa

Mwilapwa aliongeza  kuwa nia ya Serikali ni kuwaepusha wanafunzi katika misongamano ili kujikinga na virusi vya corona na si kudhoofisha katika masomo wananfunzi ndio maana wameamua kuchukua uamuzi mgumu .

Mwilapwa amesisitiza kuwa kwa Yeyote aliyeyefungua kijiwe kwaajili ya kuwafundisha vijana kama tution afunge mara moja  kwani kitakachofuata baada ya tangazo hili ni hatua za kisheria .

Nia ya Serikali ya kuwaruhusu wanafunzi wote kurudi majumbani ni  kuwatoa katika mikusanyiko  ambayo inaweza sababisha maambukizi ya virusi vya corona kuenea kwa haraka  ambavyo vimekuwa vikisambaa katika maeneo mbalimbali nchini .