Rais Mstaafu Mhe. Kikwete aweka jiwe la msingi katika taasisi ya Maawal Islamic

Imewekwa: August 26th, 2019

Rais mstaafu wa awamu ya nne Mhe .Jakaya  Mrisho  Kikwete amepongezaTaasisi  ya Maawal  Islamic kwa mchango wao wa kusaidia sekta ya elimu mkoani tanga hasa kwa watoto wa kike kwa kuwajengea bweni ili kuweza kuwatengenezea mazingira mazuri ya kujifunza

Ameyasema hayo siku ya jumapili alipokuwa akiweka jiwe la msingi la uzinduzi wa bweni kwa ajili ya watoto wa kike katika shule ya sekondari Maawal  Islamic iliyopo jijini hapa

Ameongeza kuwa Lengo kubwa la kuanzisha  Taasisi hiyo ni kufundisha  dini ya kiislamu katika jiji hili na jambo jingine na kufanya  mambo muhimu yanayohusu  kijamii na kupinga dhana ya kusema waislamu hawajali elimu ya mtoto wa kike.

“Hili ni jambo la  furaha kwa sababu kumekuwepo na dhana kwamba sisi waislamu hatujali elimu ya mtoto wa kike leo watoto wa kike wemgi wanasoma na walimu wetu wanasaidia kututengenezea mawaziri wa baadae”Amesema mhe kikwete.

Mkuu wa mkoa wa tanga  Martine  Shigela   amesema Mkoa wa Tanga ni  moja kati ya Mikoa ambao umepata mafanikio makubwa katika Sekta mbalimbali ikiwemo Ufya ,ujenzi na katika sekta ya  Elimu na mambo mbalimbali .

Amesema  mafanikio yote hayo ni matokeo ya kazi nzuri  anayoifanya  Rais wa Jamhuri ya Muungano wa Tanzania Dkr  John Pombe   Magufuri pamoja na msingi mzuri aliouanzia Rais wa awamu ya nne Mhe  Jakaya  Mrisho Kikwete .

“sisi kama wasaidizi wa rais hatuna budi kuendeleza haya yote uliyoyaanzisha lakini pia tunashukuru mafanikio katika sekta ya elimu kazi nzuri uliyoianzisha ya ujenzi wa shule ya sekondari kila kata lakini awamu ya tano inatekeleza na kuhakikisha inatoa elimu bure “Amesema Mkuu wa Mkoa wa Tanga Martine  Shigela 

 Kiongozi wa taasisi hiyo  shekh Mohamed Hariri   ambae ni Mkuu  wa Taasisi hiyo ya Maawal  Islamic  amesema kituo hicho kitawasaidia wanafunzi hao kuepuka mambo mbalimbali ambayo ni mabaya yanayoweza kujitokeza juu yao

Taasisi  ya Maawal  Islamic  ni moja kati ya Taasisi ambazo zinatoa mafunzo kwa wanafunzi  wa kike na wakiume kikiwa na lengo la kutoa  mafunzo ya dini ya kiislamu pamoja na mafunzo ya kusaidia jamii kinachopatikana Jijini Tanga