Mashindano ya Umitashmta Mkoa wa Tanga yafanyika jijini Tanga

Imewekwa: June 14th, 2019

Kaimu Katibu Tawala wa  Mkoa wa Tanga  Benedicto Njau  amewataka wanafunzi    watakaochaguliwa  kuunda timu ya Mkoa  ili kushindana katika mashindano ya Umitashmta   ngazi ya Taifa  kwa kujituma kuthubutu  na kuonyesha nidhamu  wakati wote wa michezo.

Njau ametoa kauli hiyo  wakati wa ufunguzi wa  Mashindano ya mchezo wa Umitashmta  kwa ngazi ya Mkoa wa jijini Tanga  katika viwanja vya shule ya sekondari  Tanga ufundi.

Aidha wanamichezo hao ambao wako  965  ikiwa kati yao  wavulana ni 490 na wasichana  475  ambao watashindana katika mchezo wa mpira wa Miguu,Mpira wa Wavu,Mpira wa Pete,Riadha,Mpira  wa Kengele pamoja na fani za ndani zitakazohusisha Ngoma na Kwaya.Pia wameambatana na Walimu  na viongozi  takribani 150  walioambatana na timu hizo  kutoka Halmashauri zote  za mkoa wa Tanga  na wanatarajia kuchagua  wanamichezo 100 pamoja na Walimu 15  watakaounda time ya mkoa  kwa jailli ya kushiriki  mashindano ya Taifa  ambayo yatafanyika   Mkoani Mtwara.

Hata  hivyo  kwa upande  wa Mratibu wa mashindano hayo ya Umitashumta  Ndugu Miraji Juma  amesema kuwa   kila timu  ijitume ili kupata  wanamichezo wenye kiwango cha juu  watakaowakilisha Mkoa wetu  Kitaifa.