Kompyuta 20 zatolewa kwa shule 10 Tanga ili kurahisisha kazi

Imewekwa: January 9th, 2020

Waziri wa Afya ,Maendeleo ya jamii ,Jinsia ,Wazee na Watoto ambae pia ni Mbunge wa viti maalum Mkoa wa Tanga Ummy Mwalimu ametoa kompyuta 20 kwa shule za sekondari 10 zilizopo Jiji hapa  kwaajili ya kurahisisha baadhi ya kazi katika shule hizo ambazo zilikuwa na changamoto ya vifaa hivyo.

Zoezi hilo limefanyika katika shule ya Sekondari Mkwakwani ambapo Walimu Sakuu wa Shule hizo kumi za Sekondari ambazo ni Mkwakwani ,Chongoleani ,Mnyanjani,Kihere  ,Maweni,Mikanjuni,Mwapachu,Ndaoya  ,Nguvumali na Tongoni wamekutana  kwaajili  ya  kupokea  kompyuta  hizo.

Akizungumza wakati wa makabidhiano ya  kompyuta hizo katika Shule ya Sekondari ya  Mkwakwani Afisa Elimu Sekondari Jiji la Tanga Lusajo Gwakisa amesema kupewa kwa kompyuta hizo kutasaidia utendaji kazi mzuri .

“Tukio ambalo Waziri  unalifanya  kwa Muda huu sio kama litaenda kupunguza uhaba wa kompyuta tu  ila italeta maendeleo kama utayarishaji wa bajeti katika Shule utaimarika ,pamoja na usajili kwa wanafunzi wa kidato cha kwanza utaenda kwa haraka “,.Alisema Afisa Elimu Sekondari Lusajo Gwakisa

Nae Mkurugenzi wa Jiji la Tanga Daudi Mayeji amesema atahakikisha  wanafunzi 1862 waliofaulu wanapata nafasi hata ikiwa kwa kupishana kulingana na madarasa yaliyopo .

Kwa upande wake  Waziri  wa  Afya ,Maendeleo  ya  jamii ,Jinsia  ,Wazee  na Watoto  ambae pia ni   Mbunge  wa  viti  maalum Mkoa  wa  Tanga  Ummy  Mwalimu  amesema anaimani kompyuta hizo zitatumika vizuri kwani anaimani na Shule hizo.

“Mhe Raisi Dkt Magufuli amewekeza katika maeneo ya Elimu ,Afya na takribani karibu milioni tisini kila mwezi Serikali kuu inaleta kwaajili ya Elimu bure  Tanga kwaiyo mimi katika nafasi yangu ntaendelea kuwasemea walimu wa Tanga “,.Alisema Ummy Mwalimu    Waziri  wa  Afya ,Maendeleo  ya  jamii ,Jinsia  ,Wazee  na Watoto

Sambamba na kutoa kompyuta hizo Waziri Ummy pia aliweza kutembelea kituo cha ushonaji cha Tayotai na kutoa pesa kwaajili ya kuendeleza kikundi hicho na kufahamu maendeleo yake.

Waziri  wa  Afya ,Maendeleo  ya  jamii ,Jinsia  ,Wazee  na Watoto  Ummy Mwalimu akiwa katoka shule ya Mkwakwani alikokabidhi kompyuta 20 kwa Shule 10 za Sekondari.