Kina mama wajawazito washauriwa kuhudhuria kliniki

Imewekwa: October 25th, 2019

wakina mama nchini wametakiwa kuhudhuria kliniki pindi wanapotambua kuwa na ujauzito Sambamba na kutumia vidonge vyenye madini ya  Foliki asidi  ili kuepukana na kujifungua watoto wenye   Tatizo la kichwa kikubwa na Mgongo wazi.

Kauli hiyo imetolewa na waziri wa afya maendeleo ya jamii wazee jinsia na watoto Ummy  Mwalimu  alipokuwa akiongoza maadhimisho ya Siku ya mtoto mwenye kichwa kubwa na mgongo wazi Duniani Yaliyofanjnya kitaifa mkoani Tanga.

Ummy amesema ni muhimu kwa kina mama kuhudhuria kliniki na kutumia vidonge hivyo kwani vinasaidia kuongeza virutubisho amba vitamsaidia mama wakati wa kujifungua .

“Maadhimisho haya  yanawahamasisha wakinamama kuhudhuria kliniki  mapema mara  wanapojigundua ni wajawazito kwani tunalo  tatizo kubwa sana  wataalamu wa afya wanataka wajawazito kuhudhuria kliniki angalau ndani ya miezi  mitatu   baada ya kugundua kuwa ni wajawazito “,.Alisema Waziri wa  afya maendeleo ya jamii wazee jinsia na watoto Ummy Mwalimu

Sambamba na hilo  Ummy Mwalimu  alizitaka  yake Halmashauri kote nchini  kutumia 2% ya mapato ya ndani kwa lengo la kuwainua walemavu nchini.

 Kwa upande wake Mkuu wa Mkoa wa Tanga Martine Shigela amesema Halmashauri zinatakiwa kutenga 10% kwaajili ya kuwawezesha vijana,wakina mama  pamoja na walemavu  .

Baadhi ya walemavu na wananchi   waliohudhuria maadhimisho ya siku ya mtoto mwenye kichwa kikubwa na mgongo wazi yaliyofanyika kitaifa Mkoani Tanga 

waziri wa afya maendeleo ya jamii wazee jinsia na watoto Ummy  Mwalimu akizungumza na wananchi kwenye maadhimisho ya watoto wenye kichwa kikubwa na mgongo wazi yaliyofanyika kitaifa Jijini Tanga.

Maandamano  kuelekea katika uwanja wa Tangamano  katika maadhimisho ya siku ya mtoto mwenye kichwa kikubwa na mgongo wazi yaliyofanyika kitaifa Mkoani Tanga