Kamati ya fedha Tanga yaridhishwa na miradi

Imewekwa: June 5th, 2020

Kamati ya fedha ya Halmashauri yaJjiji la Tanga imetembelea miradi mbalimbali  ya maendeleo inayotekelezwa ili kuweza kukagua utekelezaji wake .

Wakiwa katika ziara hiyo Mwenyekiti wa kamati hiyo ambae pia ni Mstahiki Meya wa Jiji la Tanga Mustapha Seleboss alisema amelizishwa na utekelezaji wa miradi hiyo na kuwahimiza watendaji kuendelea kuisimamia vizuri ili iweze kukamilika kwa wakati kama iliyopangwa .

“Waheshimiwa wenzangu hawa ni watu wa nyumbani na wanafanya kazi nyumbani lakini lazima tuwambie ukweli kuwa kazi yenu ni nzuri sana na ni kazi ambayo inatupatia heshima watu wa Tanga “Alisema Mstahiki Meya wa Jiji la Tanga Mustapha Seleboss

Aidha kwa upande wa wajumbe wa kamati wakasisitizwa ufuatiliaji wa miradi hiyo kwa kuzingatia ubora wa utendaji wake .

Seleboss  aliongeza kuwa lengo la Halmashauri ya Jiji la Tanga ni kuona mradi wa  jengo la kitega  uchumi  linaendelea vizuri na kukamilika kwa muda maalum uliopangwa .

Katika ziara hiyo pia kamati ya fedha iliweza kutembelea miradi mbalimbali kama zahanati ya Kibafuta ,kituo cha afya  cha Mabokweni pamoja na jengo la kitaga uchumi lililopo kange.