Jiji la Tanga lavuka lengo katika uandikishaji

Imewekwa: January 29th, 2020

Afisa uandikishaji wa Jiji la Tanga Daudi Mayeji  ametoa takwimu za awali wa zoezi zima la uandikishwaji wananchi katika daftari la kudumu la wapiga kura pamoja na uhakiki wa taarifa  huku akisema kuwa  ikiwa  ni siku ya mwisho wa zoezi hilo Halmashauri ya Jiji la Tanga imeweza kufikia lengo kwa kiasi kikubwa.

Mayeji amesema  kuwa mpaka sasa zaidi ya watu elfu 72 wameshajiandikisha na kuhakiki taarifa zao   kati  ya lengo la watu elfu 75 waliopangiwa kuwaandikisha katika daftari la kudumu la wapiga kura.

"Katika Jiji la Tanga tulikadiria kuandikisha watu elfu75 na mpaka jana tarehe 28 tumeandikisha wapiga kura wapya elfu arobaini na mbili mia mbili arobaini na nne ",.Alisema Afisa uandikishaji wa Jiji la Tanga Daudi Mayeji 

Sambamba na wapiga kura wapya pia Mayeji amesema kuwa kwa upande wa waliojitokeza kuboresha taarifa zao ni jumla ya watu elfu therathini mia tatu ishirini na sita .

Mayeji amesema kuwa anaimani kuwa watu watajitokeza kurekebisha taarifa na kujiandikisha  mpaka kufikia tamati ya zoezi la uandikishaji watakuwa wamefikia lengo walilopewa .

Pia Mayeji ameendelea kuwakumbusha watu kwenda kujiandikisha na kuboresha taarifa zao ili kuweza kupata haki ya kuchagua viongozi wanaowahitaji watakao waletea maendeleo.