Jaffo afurahishwa na utekelezaji Miradi Tanga

Imewekwa: July 7th, 2020

Waziri  wa    Ofisi ya Rais Tawala za Mikoa na Serikali za Mitaa  Tamisemi  Seleman  Jaffo  ameipongeza  Halmashauri  ya  Jiji  la  Tanga   kwa  kutekeleza  vizuri  miradi  ya  maendeleo  na  kutumia  vyema  fedha  za  Serikali  katika  ujenzi  wa  miundombinu  mbalimbali.

Jaffo  aliyayasema  hayo wakati akiweka  jiwe  la  msingi  la  ujenzi  wa   Jengo  jipya  la  ofisi  za Halmashauri   ya  Jiji  hili  linalojengwa  kwa  mapato  ya  ndani  ambapo mpaka sasa jumla ya kiasi  cha shilingi  bil 1.4 zimeshatumika .

Awali  kabla  ya  uwekaji  wa  jiwe  hilo  Waziri  Jaffo  alifungua  dampo  la  kisasa  lililojengwa  eneo   la  mpirani  kata  ya  chongoleani  na  kuwapongeza wataalamu  kwa  usamamizi  madhubuti  wa  fedha  za  Serikali.

“Nimpongeze mkurugenzi wa jiji la tanga jengo hili limejengwa vizuri wengine wanakusanya fedha haziendi katika maelekezo yanavyotakiwa lakini nyinyi mmejiongeza kufanya jambo hili kweli Tanga mnatekeleza maagizo ya Rais Magufuli “Alisema Waziri  wa    Ofisi ya Rais Tawala za Mikoa na Serikali za Mitaa  Tamisemi  Seleman  Jaffo 

Sambamba na hayo pia Jaffo ameendelea kwa kuwapongeza Mkurugenzi wa Jiji la Tanga kwa kuwa na usimamizi mzuri pamoja na mshikamano na watumishi wenzake .

Mbali na hayo pia  Jaffo alitoa msisitizo kwa viongozi katika Jiji hilo kuendelea kuwa  na umoja mshikamano na upendo ili kuweza kufanya kazi kwa ufanisi bila kuwekeana vikwazo mbalimbali .