Comfort Aid International yainogesha Mwakidila

Imewekwa: January 16th, 2025

Shirika lisilo la kiserikali la Comfort Aid International limekabidhi vyumba vinne vya madarasa, ofisi za walimu na matundu mawili ya vyoo kwa ajili ya wanafunzi wenye mahitaji maalumu kwa uongozi wa shule ya msingi Mwakidila, iliyopo kata ya Tangasisi, ikiwa ni utekelezaji wa ombi walilopokea la kukarabatiwa vyumba vya madarasa pamoja na vyoo ili watoto wapate mazingira mazuri ya kujifunzia.

Wakati wa zoezi hilo la kukabidhi vyumba hivyo  Afisa Elimu Msingi wa jiji la Tanga Mwl.Shomari Bane amewashukuru wafadhili hao kwa msaada walioutoa na kuwataka walimu na wanafunzi kutunza majengo hayo ili yaendelee kuwa mapya.

Nae Diwani wa Kata ya Tangasisi Mhe.Ahmed Mwinjanga naye amewashukuru wafadhili hao kwa msaada huo kwani shule hiyo ilikuwa na uhaba mkubwa wa madarasa.

Uongozi wa shule hiyo umeahidi kutunza na kutumia vyema miundombinu hiyo kwa manufaa ya watoto na jamii kwa ujumla.