Bank ya posta Tanzania TPB yatoa madawati na thamani za walimu kwa shule ya Pongwe

Imewekwa: August 15th, 2019

Bank ya posta Tanzania TPB   imetoa madawati na thamani za walimu kutokana na ombi la uhaba wa shule ya Pongwe  jambo linalopelekea kuwa wengi  na kusababisha wanafunzi hao kutojifunza vizuri  kutokana na mrundikano mkubwa wawapo madarasani .

Mkuu wa wilaya ya Tanga  Thobias  Milapwa ameipongeza bank hiyo kwa msaada walioutoa  na kuwaomba waendelee kusaidia  kwani  bado inamahitaji makubwa ambayo bado yanahitajika shuleni hapo

“kwaiyo nyinyi wenyewe mnaweza mkachukua hatua kwa vile mmeshasikia fanyeni hivyo lakini  tunawashukuru sana  kwa hichi mlicho tusaidia na tunapata moyo sisi kwamba hata tutakapokuwa tunatoa maombi mengine tunasema tunawatu ambao wanatusaidia”amesema Thobias  Milapwa  

Kwa upande wake Mkurugenzi Mtendaji wa Benki ya Posta Tanzania  Sabasaba Moshingi  amesema wanafarijika sana kuwa katika jiji la Tanga  na wamesikia changamoto ambazo watu hao wanazo na wakipata chochote hawatasita kuwasaidia

“Tumefarijika sana kuwa hapa katika jiji la tanga na tutajitahidi kukabiliana na changamoto zilizopo lakini pia bank yetu imefarijika sana kuwepo hapa”Amesema Thobias  Moshingi 

Waziri  Kamba ni makamu mkuu wa shule msingi pongwe na  Merieni  Kanjami ni afisa mtendaji wa kata ya pongwe  wameeeleza namna shule hiyo ilivyo na mahitaji makubwa

“uhaba wa vyumba vya madarasa ni 11 ambapo mahitaji halisi ya madarasa ni vyumba 25na vilivyopo ni 14 na kati ya vyumba hivyo vyumba 8 ni vichakavu na vinahitaji ukarabati mkubwa pia shule inahitaji maji  kwani yapo maji ya bomba ambayo wanatumia luku na matumizi yanatumia jumla ya shillingi laki nne kwa mwezi gharama ambayo shule inashindwa kuimudu”wamesema Merieni  Kanjami  naWaziri   Kamba 

Kaimu Mkurugenzi wa Jiji la Tanga   Ramadhan  Possi  amesema Halmashauri imetenga kiasi cha shillingi milioni miamoja kwa mwaka wa fedha ikiwa ni makusanyo ya ndani kwaajili ya kuboresha miundombinu ya shule hiyo na kutatua changamoto zote zilizopo.

“Tunatambua shule hii inamahitaji ,mengi kama ilivyosomwa kuna upungufu wa madawati na kama halmashauri tunalitambua kwamba mahitaji hapa ni mengi kwaiyo tunatafuta mbinu itakayo saidia kutatua changamoto hizo”amesema Ramadhan  Possi 

Elimu ni ufunguo wa maisha kwa hivyo tunapaswa kujitolea kusaidia pale tunapoona kun changamoto zozote  katika jamii.