“Tunakazi kubwa ya kuwatumikia Wananchi,” Mhe.Ummy Mwalimu

Imewekwa: December 15th, 2020

Waziri wa Nchi Ofisi ya Makamu wa Rais Muungano na mazingira ambaye pia ni Mbunge wa Jimbo la Tanga Mjini Mhe.Ummy Mwalimu ameahidi kutoa ushirikiano kwa madiwani wote 27 wa kuchaguliwa na 9 wa Viti Maalum wa jiji la Tanga  walioapishwa leo  Disemba 15, 2020. Akizungumza na Madiwani hao Mhe.Ummy amesema kuwa wao kama viongozi wana kazi kubwa ya kuwatumikia wananchi wa Tanga Mjini kwa kuwa wanaimani kubwa juu yao ya kuleta mabadiliko kwa kufanya kazi kwa juhudi kubwa. Aidha Mhe.Ummy  amewaomba Madiwani kuhamasisha wananchi katika ujenzi wa madarasa  ya ziada 44 ili watoto waliochaguliwa kujiunga na kidato cha kwanza mwaka 2021 waweze kuendelea na masomo yao.

Katika Mkutano huo Mhe.Ummy pia amewasisitiza Madiwani kuhakikisha wanalipa kipaumbele suala la utunzaji wa mazingira katika kata zao huku akiahidi kupambana na wale wote wanaotiririsha maji taka yenye sumu kutoka viwandani, na hawatasita kuwachukulia hatua wanaochukua miundombinu ya Serikali kwa kuifanya vyuma chakavu.

                                                                                                                 Waziri wa Nchi Ofisi ya Makama wa Rais Mhe.Ummy Mwalimu ambaye ni Mbunge wa jimbo la Tangamjini.

                                                                                                                 Wahe.Madiwani wakiwa kwenye Mkutano wa Baraza wakisiliza yanayoendelea katika mkutano huo.

                                                                                                                  Wahe.Madiwani wakiwa kwenye Mkutano wa Baraza.

                                                                                                                 Baadhi ya wananchi waliojitokeza kushiriki katika Mkutano wa Baraza.