Tanga Jiji yapata hati safi miaka minne mfululizo

Imewekwa: June 4th, 2020

Mkuu wa  Mkoa  wa  Tanga  Martine  Shigela  ameipongeza  Halmashauri  ya  Jiji  la  Tanga  kwa  kupata  hati  safi  kwa  awamu    nne  mfululizo.

Shigela  aliwasisitiza  watumishi  wa  Halmashauri  kuwa  na  weledi  mkubwa  kipindi  ambacho  Baraza  la  Madiwani  litakapo  maliza  muda  wake  ili   watakaporejea  tena  wakute  mambo  yanakwenda  vyema.

Shigela aliongeza  kwa kuwatoa hofu Madiwani kuwa Serikali ya awamu ya tano inayoongozwa na Rais Dkt John Pombe Magufuli imejipanga katika kuhakikisha Madiwani hao wanapata kiinua mgongo .

“Ninauhakika awamu itakayokuja mtajipanga vizuri kutafuta viongozi waliobora watakaoendeleza gurudumu hili na mimi nafarijika  kuwa mnakwena kwenye uchaguzi hamuidai Halmashauri hakuna posho inayodaiwa  “ Alisema Mkuu wa Mkoa wa Tanga Martine Shigela

Kwaupande wake Mstahiki Meya wa Jiji la Tanga Mustapha Seleboss aliwapongeza Madiwani hao kwa kazi nzuri ambazo wamekuwa wakizifanya bila kuangalia itikadi zao za  vyama na kuamua kuwatumikia wananchi wao.

“Kuheshimiana kwetu na utulivu  ushirikiano ambao tumekuwa nao ndio umesababisha kusaidia kupata hati  safi ambayo tumeipata”Mustapha Seleboss alifafanua

Halmashauri ya Jiji la Tanga imefanikiwa kuchukua hati safi katika ukusanyaji wa mapato kuanzia mwaka 2017 mpaka 2020  mfulilizo