Mwilapwa akipongeza chama cha U safirishaji TAREMIA

Imewekwa: March 30th, 2020

Mkuu wa Wilaya ya Tanga Thobias Mwilapwa amekishukuru chama cha usafirishaji abiria  Mkoa wa Tanga (TAREMIA) kwa kutoa msaada wa vifaa vya kunawia mikono Madumu  (22) kama jitihada za kuunga mkono Serikali katika mapambano dhidi ya ugonjwa wa corona katika stendi nne zilizopo Jijini Tanga.

Akiwashukuru Wasafirishaji hao  Mwilapwa amesema kuwa mpaka hivi sasa Tanga haijapata mshukiwa yoyote wa virusi vya corona kwani wahudumu wa afya wanatoa elimu kwa jamii kwa kuzingatia usafi pamoja tahadhari zote zinazotolewa na serikali.

“Na mimi nakili kupokea na ninawashukuru sana kwamba somo lilieleweka zaidi ya kutoa elimu mumekusanyanya na kuchanga mlichobalikiwa ili muweze kutoa msaada katika vituo kama mlivyosema kila katika kituo cha usafiri  mmeweza kutoa  na chombo cha maji ya kutililika  “,.Alisema Thobias Mwilapwa

Mbali na shukrani hizo pia Mkuu wa Wilaya  huyo aliwataka wananchi kuzingatia maagizo wanayopewa hasa wasafiri na vyombo mbalimbali .

Sambamba na hayo pia amewataka makonda kupunguza tabia ya kuwajaza abiria katika daladala na kuwataka kufuata agizo la kukaa usawa wa siti zilizopo ili kuweza kuendelea kujikinga na ugonjwa wa corona .

Kwa upande wake mwenyekiti na katibu wa chama cha usafirishaji abiria mkoa wa tanga Ismaili Masudi na Juma Kipingu wamesema lengo la kutoa msaada ni kuhakikisha wananchi wa Jiji la Tanga hawapati maambukizi ya virusi vya corona .

“Mheshimiwa Mkuu wa Wilaya hili zoezi lote ni maagizo yako kwaajiliya kuwasaidia Wananchi wa Jiji la Tanga pamoja na abiria wetu ambao wanasafiri kwenye stendi zetu nne kwani hivi vyombo vinakwenda katika stendi hizo “,.Wamesema viongozi wa chama cha usafirishaji abiria Mkoa wa Tanga

Aidha Mkuu wa Wilaya ya Tanga Thobias Mwilapwa alisema kuwa kutokana najitihada zinazofanywa na wadau pamoja na Serikali juu ya kupiga vita ugonjwa wa corona Jiji la Tanga Litashinda .