Mkuu wa Mkoa wa Tanga awataka Maafisa Ardhi kuweka Kambi kila kata kutatua migogoro

Imewekwa: September 5th, 2019

Mkuu wa Mkoa wa Tanga  Mhe .Martine Shigela  amewataka  wananchi wa  kata  ya Tangasisi ambao wana migogoro ya ardhi kujitokeza na kutoa vielelezo ili wapewe haki zao. 

Ameyasema hayo wakati wa ziara yake ya kusikiliza na kutatua kero  za wananchi katika kata hiyo na kata zote 27 za  jiji  Tanga.

Mhe. Shigela amesema kuwa kila mwananchi ambae anavielelezo vya umiliki wa eneo anatakiwa kuvitoa ili kupewa haki anayostahiri na kama hana haki ya kupewa  aandikiwe barua inayoeleza kuwa hana haki ya eneo hilo kwa mujibu wa sheria.

“nitatuma watu wangu kutoka  mkoani na vyombo vya dora waje waweke kambi ya wiki nzima hapa wamusikilize mtu mmojammoja atoe vielelezo vyake na kama anahaki wamuandikie haki yake anayostahiri kupewa na kama eneo lake  haki yake  haipo  aandikiwe barua ya majibu kwamba kwa mujibu wa kifungu hiki tumejilidhisha haki yako haipo kwa sababu eneo hilo ni mali ya mtu mwingine   “amesema Mkuu wa Mkoa wa Tanga  Mhe .Martine  Shigela. 

Pia amemtaka Diwani wa kata hiyo  kupita na kutangaza kwa wananchi kuwa wale wote wenye migogoro ya Ardhi walioiwasilisha kwa Mkuu wa Mkoa kuwa  wataalamu watakuwepo katika Ofisi ya kata kuanzia tarehe watakayo tangaza na kuwapanga waende kimitaa ili kurahisisha kazi  hiyo.

“Nikuombe Mhe Diwani wa Kata hii wataalamu Wa Kupamba Ratiba ya kupita kata kwa kata, gari la matangazo limite na kuwatangazia wananchi kuwa kuanzia tarehe fulani  wataalamu watakuwepo kwaiyo wote mliotoa  malalamiko yenu kwa Mkuu wa Mkoa jitokezeni na vilelezo vyenu na kuwapanga wajitokeze kwa Kila Mtaa “ameyasema hayo Mkuu wa Mkoa wa Tanga Mhe . Martine  Shigela .

Akihitimisha ziara hiyo Mkuu wa Mkoa wa Tanga Mhe Martine  Shigela amewataka Maafisa Ardhi  kuweka kambi kila kata ili kutatua migogoro  ya Ardhi ambayo imeonekana kukithiri katika Jiji la Tanga na baada ya kukamilika ripoti ya utatuzi wa migogoro hiyo ifike Ofisi ya Mkuu wa Mkoa.