Waziri wa Afya,Maendeleo ya Jamii, Jinsia,Wazee na Watoto Mhe Ummy Mwalimu azindua michezo ya asili jijini Tanga

Imewekwa: August 2nd, 2019

Vijana wa Jiji la Tanga wametakiwa kucheza michezo ya asili na kuacha kupoteza muda mitandaoni ili kudumisha utamaduni wa asili zao.

Hayo yamesemwa na Mstahiki Meya wa Jiji la Tanga Mhe.Mustafa Selebosi wakati wa uzinduzi wa michezo ya asili iliyofanyika katika kata ya Nguvumali iliyopo jijini Tanga,lengo la michezo hiyo ni kuwajengea uwezo vijana kuzitambua tamaduni zao.

Akizindua michezo hiyo  waziri wa  Afya Mhe.Ummy Mwalimu  amesema kuwa bonanza  hilo linazungumzia mambo makubwa matatu ikiwemo michezo ni furaha, amani pamoja na ushirikiano hivyo amewapongeza kutokana na bonanza hilo kwani litatoa fursa ya kufurahi na kushirikiana pamoja.

Amempongeza muandaaji wa Bonanza hilo Mstahiki Meya wa Jiji la  Tanga Mustapha Selebosi kwa kushirikisha vikundi kutoka kata mbalimbali za Jiji hilo  na sio nguvu mali peke yake  nakusema kuwa Tanga linapokuja suala la Maendeleo ya Tanga wanakuwa mstari wa mbele  .

Michezo iliyochezwa katika bonanza hilo ni pamoja na ngoma za utamaduni ,kama  rede ,nyakwa, kachurana kioo na Mhe  Ummy  Mwalimu aliweza kupendekeza mchezo mmoja wa kombolela uchezwe katika bonanza hilo  kwa atakaeshinda katika michezo hiyo mshindi wa kwanza atapata fedha taslimu  kiasi cha shilingi laki mbili, mshindi wa pili laki na nusu ,na mshindi wa Tatu laki moja.