Halmashauri ya jiji la Tanga yaahidi kutoa boti ili kutatua kero ya kivuko cha Mwarongo kuelekea Tongoni

Imewekwa: September 5th, 2019

Halmashauri ya jiji la Tanga imesema itatoa  boti kwa ajili ya kutatua kero ya kuvuka kutoka kijiji cha  Mwalongo kuelekea Tongoni  kutokana na eneo hilo kuzungukwa na ukanda  wa bahari.

Hayo yamesemwa na mkurugenzi wa jiji la Tanga Daudi Mayeji wakati akijibu kero ya wananchi katika ziara ya mkuu wa mkoa wa Tanga Martine Shigela anayofanya katika kata zote za jiji hili.

Daudi  Mayeji amesema  kama mashine imechoka watafuatilia wao kama  halmashauri na watanunua mashine nyingine  ili watoto waende shuleni bila shida.

“Eneo jingine ambalo ningependa kulizungumzia ni kuhusiana na kivuko kibovu kwa sababu linagusa maisha ya watu kama ishu ni mashine imechoka tutaifuatilia halmashauri itaangalia uwezekano wa kununua ili watoto wasipate  shida wanapoenda shule “amesema Mkurugenzi wa Jiji la Tanga  Daudi Mayeji

Ameongeza kuwa jambo hilo wamelichukulia katika mfumo wa dharura kwa sababu  hawataki kifo chochote kiweze kutokea ndiyo waanze kuchukua hatua.

Pia ameongeza kuwa eneo la Tongoni kuna uvuvi haramu ambao unaendelea na madhara ya uvuvi huo yanaweza kusababisha vifo kwa baadhi ya watu  kwa sababu sumu hiyo inafanya kazi polepole katika mwili wa binadamu.

“madhara yake wewe huwezi kuyaona saivi ,serikali inakuwa chungu katika suala la uvuvi haramu ukafikili kwamba inakinyongo na wananchi haina , kinachofanyika pale ni kwamba inajaribu kuokoa maisha ya wananchi ambao ni sisi wenyewe”Alisisitiza Mkurugenzi.

Uvuvi haramu ni jambo ambalo linatakiwa  kukemewa na kuchukuliwa hatua za kisheria hivyo wavuvi wanapaswa kufuata sheria za uvuvi ili kuondokana na kesi zisizo za lazima.