MWANAIDI NAIBU MEYA JIJI LA TANGA.

Imewekwa: August 27th, 2022

Mkutano wa Mwaka wa Baraza la Madiwani la Jiji la Tanga umemchagua kwa kura zote za ndio, Mheshimiwa Mwanaidi Kombo (Diwani Viti Maalum) kuwa Naibu Meya wa Jiji la Tanga kwa mwaka 2022/2023.  Mkutano huo uliofanyika leo Jumamosi Augosti 27, 2022 pia umeunda kamati za kudumu za Halmashauri na kuchagua wenyeviti wa kamati hizo na kupokea taarifa ya uwajibikaji wa Halmashauri kwa mwaka wa fedha 2021/2022.

Mhe. Mwanaidi Kombo alikuwa mgombea pekee wa nafasi hiyo baada ya Chama cha Mapinduzi (CCM), ambacho ndiyo Chama pekee chenye madiwani katika Jiji la Tanga, kuwasilisha jina moja kwa ajili ya kupigiwa kura ya kumpata Naibu Meya.