Mhe.Ummy Mwalimu atoa Madawati 355 kwa Shule za Msingi za Jiji la Tanga

Imewekwa: April 27th, 2021

Mbunge wa  Tanga Mjini Mhe.Ummy Mwalimu  Leo tarehe 27/4/2021 ametoa madawati 355 yenye thamani  ya shilingi milioni 30 ambayo yamenunuliwa kupitia fedha za Mfuko wa Jimbo.
Mhe Ummy Mwalimu amekabidhi madawati 50 katika Shule ya Msingi Chuda ikiwa ni sehemu ya madawati hayo 355 aliyoyatoa kwa shule nyingine za Msingi Jijini Tanga.

Mhe Ummy ameeleza kuwa akiwa Mbunge wa Tanga ataweka nguvu zaidi katika kutatua kero za Elimu ikiwemo upungufu wa madarasa, madawati na walimu.

Akizungumza baada ya kukabidhi madawati hayo Mhe. Ummy aliwaomba wadau wa maendeleo kusaidia upatikanaji wa madawati ili tumalize tatizo hilo la upungufu wa madawati katika shule zetu na kusisitiza kuwa yeye ataendelea kutumia pesa za mfuko wa Jimbo kutatua uhaba wa  madawati na vyumba vya madarasa.

Kwa upande Mkurugenzi wa Jiji la Tanga Daudi Mayeji amemshukuru Mh. Ummy kwa kuchangia madawati hayo kwani yatatatua upungufu uliopo kwa wanafunzi.

Kata zilizofaidika na Mpango huo ni Mzizima, Kiomoni, Chumbageni,Majengo,Marungu ,Msambweni,Ngamiani Kusini,Mzingani na Tongoni.